पौडी : आर्मीकी गौरीकालाई दुई स्वर्ण

बाँके- आठौं राष्ट्रिय खेलकुद अन्तर्गत २२ औं पौडी प्रतियोगितामा आर्मीकी गौरिका सिंहले दुई कीर्तिमान बनाएकी छन् । ५० मिटरको पौडी अन्तर्गत गौरिकाले नयाँ कीर्तिमान बनाएकी हुन् । त्यस्तै ८०० मिटरको पौडीमा उनले यसअघिको आफ्नो कीर्तिमानमा सुधारेकी हुन् ।

८०० मिटरको फ्रिस्टाइल पौडी अन्तर्गत आर्मीकी खेलाडी सिंहले ९ मिनेट ३९.२२ सेकेन्डमा दूरी पार गर्दै आफ्नो पहिलो कीर्तिमानमा सुधार गरेकी हुन् । त्यस्तै आर्मीकै उपास्ती महर्जनले ११ मिनेट ९.८२ सेकेन्डमा दूरी पार गर्दै दोस्रो भइन् । 

नेपाल पुलिसकी समीरा शोभा थापाले ११ मिनेट १६ सेकेन्डमा दूरी पार गर्दै तेस्रो बनिन् । पौडी प्रतियोगिताको लङ्ग कोर्स संचालनका लागि ५० मिटरको पौडी पोखरी उपलब्ध नभएकाले आठौंमा नहुने भएका छन् । 

नेपालगन्ज रंगशाल परिसरमा रहेको पौडी पोखरी समयमै निर्माण हुन नसके पछि सर्ट कोर्सका खेल नेपालगञ्जस्थित सिंग्नेट होटलको स्वीमिङ पुलमा संचालन गरिएको छ ।