दिपेश र रशिलाले रचे नयाँ इतिहास

दाङ- नेपाली सेनाका रत्नजित तामाङ्ख र नङ्खशल तामाङ्खको एक छत्र राजलाई तोड्दै एपिएफका दिपेश धामी र रशिला महर्जनले नयाँ इतिहास रचेका छन् । आठौं राष्ट्रिय खेलकुद अन्तर्गत भएको ४० औं राष्ट्रिय ब्याडमिन्टन प्रतियोगितामा रत्नजितको एक छत्र राजलाई तोड्दै एपिएफका दिपेशले नयाँ इतिहास रचेका हुन् । 

दाङको घोराहीस्थित कभर्डहलमा भएको उपाधी भिडन्तमा दिपेशले रत्नलाई २१- १६, २१-१४ को सोझो सेटमा पराजित गर्दै इतिहास रचेका हुन् । विगत ४ राष्ट्रिय प्रतियोगितामा जित निकाल्दै आफ्नो बर्चस्व बनाएका रत्नजित एपिएफका दीपेश धामीसँग पराजित भएका हुन् । 

२०६९ सालमा काठमाण्डौमा भएको ३६ औं राष्ट्रिय प्रतियोगितामा तत्कालिन नंम्बर एक खेलाडी विकास श्रेष्ठलाई पराजित गर्दै नंम्बर एक भएका रत्नजितले त्यस पश्चात फर्केर हेर्नु परेका थिएन । तर बेला बेला उनलाई दिपेश धामी र प्रिन्स दाहालले चुनौती दिंदै आएका थिए । 

यसै प्रतियोगिता अन्तर्गत पनि पुरुष टिम इभेन्ट्सको पुरुष एकलको सेमिफाइनलमा प्रिन्सले तथा फाइनलमा दिपेशले उनलाई पराजित गर्दै नयाँ राष्ट्रिय च्याम्पियन जन्मेको सुचित गराए । दिपेशले यस अघि रत्नजितलाई अन्नपूर्ण कर्पोरेट ब्याडमिन्टन प्रतियोगितामा पनि पराजित गरिसकेका थिए ।

यसैगरि नयाँ इतिहास रच्ने क्रममा सेनाकी रशिला महर्जनले नङ्खशललाई १९-२१, २१-१४, २४-२२ ले पराजित गर्दै आफुलाई राष्ट्रिय च्याम्पियनको रुपमा उभ्याइन् । १४ बर्षमा दौडी रहेकी उनले हालै मात्र सम्पन्न कृष्ण मोहन स्मृती राष्ट्रिय ब्याडमिन्टनमा पनि उपाधी हात पारेकी थिईन् । 

ब्याडमिन्टनको इतिहासमा राष्ट्रिय च्याम्पियन बन्ने उनी अहिले सम्मकै कान्छि खेलाडी रहेको नेपाल ब्याडमिन्टन संघका अध्यक्ष रामजी बहादुर श्रेष्ठले जानकारी गराए । दिपेश र रशिला हालै सम्पन्न कृष्ण मोहन स्मृती राष्ट्रिय ब्याडमिन्टनका विजेता समेत रहेका छन् ।