रियलले हाजार्ड सहित तीन खेलाडी भित्र्याउने पक्का

एजेन्सी- स्पेनिस महारथी क्लब रियल मड्रिडले आउँदो सिजनको खेलाडी किनबेचमा तीन खेलाडी भित्र्याउने पक्का भएको छ । रियलले इंग्लिस क्लब चेल्सी तथा बेल्जियमका फरवार्ड इडन हजार्ड, ब्राजिलियन क्लब सान्तोषका फरवार्ड रोड्रिगो र ब्राजिलियन तथा पोर्चुगिज क्लब पोर्टोका डिफेन्डर इडर मिलिटाओलाई यिलले क्लबमा अनुबन्ध गर्ने लगभग पक्का पक्की भएको बताइएको छ । 

रियलसँग अनुबन्धका लागि  तीन वटै खेलाडीसँग सहमति भइसकेको बताइएको छ । ती वटै खेलाडीसँग केही दिनमा सम्झौताको प्रक्रिया पनि सकिने अन्तर्राष्ट्रिय संचार मध्यमले जनाएको छ । 

केही साता अघि हाजार्डले आफु हाल चेल्सीमै केन्द्रित भएको बताएका थिए । तर, उनको नयाँ सम्झौताका लागि क्लब र हाजार्ड दुबैले इच्छा नदेखाएपछि चेल्सीले बेच्ने र हाजार्ड रियल जाने सम्भावना बढेको हो । 

गत सिजन हाजार्डलाई रियलले अनुबन्ध गर्न खोज्दा चेल्सीले २ सय मिलियान युरोको माग राखेको थियो । तर, यस बर्ष १ सय मिलियन युरोको प्रस्तावमा चेल्सी मौन देखीएको छ । म्यानचेस्टर युनाइटेडका मिडफिल्डर पोउल पोग्बालाई प्रशिक्षक जिनेदिने जिदानले क्लबमा भित्र्याउन चाहेपनि १ सय ५० मिलियन युरो बढी भएको भन्दै क्लबले समर्थन नगरको खुलेको छ ।