पूर्वराष्ट्रपतिले गरे गोली हानी आत्महत्या

पेरु – पेरुका पूर्वराष्ट्रपति एलेन गार्सियाले आफैलाई गोली हानी आत्महत्या गरेका छन्। घुस लिएको आरोपमा पक्राउ गर्न आफ्नो निवासमा प्रहरी पुगेपछि उनले आफूमाथि नै गोली प्रहार गरेका थिए। 
आफैँलाई गोली हानेपछि उनलाई राजधानी लिमास्थित अस्पताल पुर्‍याइएको थियो।

गम्भीर घाइते भएका उनलाई चिकित्सकको टोलीले बचाउन सकेन। बहालवाला राष्ट्रपति मार्टिन भिस्काराले उनको मृत्यु भएको पुष्टि गरे।

गार्सियामाथि ब्राजिलको निर्माण कम्पनी ओडुब्रेस्टबाट घुस लिएको आरोप थियो। उक्त आरोप उनले अस्वीकार गर्दै आएका थिए।

गार्सियाले सन् १९८५ देखि १९९० र सन् २००६ देखि २०११ सम्म राष्ट्रपतिको पद सम्हालेका थिए।