काठमाडौं उपत्यकामा सक्रिय संक्रमित कति?

काठमाडौं- काठमाडौं उपत्यकामा हाल ११ हजार ६ सय ३१ जना सक्रिय कोरोना संक्रमित रहेका छन्।

स्वास्थ्य तथा जनसंख्या मन्त्रालयका अनुसार काठमाडौंमा हाल सक्रिय संक्रमित संख्या ७ हजार ८ सय ६७, भक्तपुरमा १ हजार ४ सय ७४ तथा ललितपुरमा २ हजार २ सय ९० रहेको छ।

काठमाडौं उपत्यकामा शुक्रबार मात्रै ८ सय ९४ संक्रमित थपिएका थिए। काठमाडौंमा ६ सय ४, ललितपुरमा १ सय ८७ तथा भक्तपुरमा १ सय ७ जनामा संक्रमित थपिएको मन्त्रालयले जनाएको छ। 

यस्तै हालसम्म देशभर कूल संक्रमित संख्या आठ लाख २३ हजार ६ सय ४७ पुगेको छ। हालसम्म छ लाख ९३ हजार ५ सय ४३ जना कोरोनाबाट मुक्त भइसकेका छन्। नेपालमा कोरोना संक्रमण निको हुने दर ९३.१ प्रतिशत रहेको छ। हाल देशभर सक्रिय संक्रमित संख्या ४० हजार ३ सय ९ रहेको छ। 

हाल देशभर ७१४ संक्रमितको सघनउपचार कक्षमा तथा १७१ संक्रमितको भेन्टिलेटरमा उपचार भइरहेको छ। यस्तै हालसम्म नेपालमा संक्रमणबाट ज्यान गुमाउनेको कूल संख्या १० हजार ४५५ पुगेको मन्त्रालयले जनाएको छ।