देशभरका अस्पताल ठप्प, फेरि आन्दोलनमा उत्रिए डाक्टर 

काठमाडौं- सरकारी चिकित्सकले शुक्रबारदेखि देशभरका सबै अस्पताल ठप्प बनाएका छन् । आकस्मिक बाहेकका सबै सेवा बन्द गरेर सरकारी चिकित्सकहरु आन्दोलनमा उत्रिएका हुन् । 

कर्मचारी समायोजन ऐनका विषयमा असन्तुष्टि जनाउँदै चिकित्सकहरु आन्दोलनमा उत्रिएका हुन् । उनीहरु कर्मचारी समायोजनका क्रममा कर्णाली र सुदूरपश्चिम पश्चिम प्रदेशमा अत्यन्त कम मात्रामा चिकित्सक पठाइएको,  संघ र प्रदेशमा चिकित्सक धेरै राखिएको विरोधमा चिकित्सकहरु आन्दोलित भएका हुन्। 

आन्दोलनका क्रममा आकस्मिकबाहेक अन्य सबै सेवा ठप्प पारिएको सरकारी चिकित्सकहरुको संघ (गोदान) का अध्यक्ष दीपेन्द्र पाण्डे जानकारी दिए। उनले चिकित्सकहरुलाई संघअन्तर्गत राख्न माग गरिए पनि सरकारले बेवास्ता गरेपछि आफूहरु आन्दोलित हुन बाध्य भएको बताए।