अमेरिकी विमानबाट खस्ने मध्ये एकजना अफगानी फुटबलर

काठमाडौं- तालिबानले सत्ता कब्जामा लिएपछि अगाफनिस्तानको अन्तर्राष्ट्रिय विमानस्थनमा भागदौड मच्चिरहेको थियो। त्यो भागदौडमा धेरै मानिस अन्य देश उड्न सफल भए भने केही सफल भएनन्।

त्यर त्यही क्रममा केही अफगानीले भने ज्यान गुमाएका थिए। गफगानिस्तान छोडेर कतारका लागि उडेको अमेरिकी मिटिरी विमानबाट खसेर केही युवाले ज्यान गुमाएका थिए।

तालिवानले अफगानिस्तानको राजधानी काबुलमा नियन्त्रण लिएको एक दिनपछि त्यहाँ रहेको हामिद कारजाई विमानस्थलमा सयौं मानिस अफगानिस्तान छाड्नका लागि पुगेका थिए।

ज्यान गुमाउने एक जना अफगानिस्ताको युवा फुटबल टोलीको सदस्य भएको त्यहाँको शिक्षा तथा खेलकुद निर्देशनालयले जनाएको छ। 

'हामीले दु:ख र पश्चातापका साथ यो सूचना दिइरहनु परेको छ कि हाम्रा युवा फुटबलर ज्याकी अनवारीको उक्त घटनामा निधन भएको छ,'  निर्देशनालयको विज्ञप्तिमा भनिएको छ। अरु सयौं युवासँगै देश छाड्न खोज्ने क्रममा युएस मिलिटरी प्लेनबाट खसेर उनको निधन भएको हो।

त्यहाँ प्लेन चल्न सुरु गरिसकेपछि पनि रनवेमा मानिसहरू दौडिरहेको भिडियो बाहिर आएको थियो। त्यस्तै उडिरहेको प्लेनबाट दुई जना मानिस झरेको भिडियो पनि भाइरल भएको थियो। झर्ने फुटबलर १९ वर्षीय जाकी अन्वरी रहेका छन्।