रसुवामा पहिरोले पुरिएर एकै घरका ४ जनाको मृत्यु

मृत्यु हुनेमा बुद्धिकी ३२ वर्षीया श्रीमती कमला तामाङ, ११ वर्षीया छोरी सोकिता तामाङ, ८ वर्षीया छोरी सुकुमाया तामाङ र ७ वर्षीय छोरा आशिष तामाङ छन्।

नेपाल समय | बिहीबार, भदौ ३, २०७८

नेपाल समय

बिहीबार, भदौ ३, २०७८

रसुवा- रसुवामा पहिरोले पुरिएर एकै घरका ४ जनाको मृत्यु भएको छ। नौकुण्ड गाउँपालिका–५ कोलडाँडास्थित बुद्धि तामाङको घर पुरिँदा उनकै परिवारका ४ जनाको मृत्यु भएको हो।

मृत्यु हुनेमा बुद्धिकी ३२ वर्षीया श्रीमती कमला तामाङ, ११ वर्षीया छोरी सोकिता तामाङ, ८ वर्षीया छोरी सुकुमाया तामाङ र ७ वर्षीय छोरा आशिष तामाङ छन्। मृतहरुको शव नुवाकोट जिल्ला अस्पतालमा पोस्टमार्टमका लागि पठाइएको रसुवा प्रहरीले जानकारी दिएको छ।

घरबाहिर सुतेका ३५ वर्षीय बुद्धि तामाङ भने गम्भीर घाइते भएका छन्। त्रिशूली अस्पतालमा प्रारम्भिक उपचारपछि उनलाई राष्ट्रिय ट्रमा सेन्टर रिफर गरिएको छ।

जिरोकिलोदेखि पारच्याङ जोड्ने सडक भत्किएर पहिरो जाँदा उनीहरूको मृत्यु भएको हो। बिहीबार बिहान करिब साढे तीन बजे तामाङको घरमाथि सडकबाट पहिरो झरेको थियो।

प्रकाशित: Aug 19, 2021| 19:14 बिहीबार, भदौ ३, २०७८