भारत र श्रीलंका सेमिफाइनलमा, माल्दिभ्स बाहिरियो

विराटनगर- सविकको विजेता भातर र श्रीलंका विराटनगरमा जारी पाँचौ संस्करणको साफ महिला च्याम्पियनसिपको सेमिफाइनलमा प्रवेश गेरेका छन् । शुक्रबार शहिद रंगशालमा भएको खेलमा श्रीलंकाले माल्दिभ्सलाई २-० ले पराजित गरेपछि भारत र श्रीलंका प्रतियोगितको सेमिफाइनलमा प्रवेश गरेको हो ।

आफ्नो पहिले खेलमा भारतसँगै ६-० गोल अन्तरले पराजित भएको माल्दिभ्स दोस्रो खेलमा श्रीलंकासाग प्रराजित हुँदै प्रतियोगिताबाट बाहिरिएको छ । पहिलो हाफको खेल सकिन पाँच मिनेट बाँकी रहदाँ श्रीलंकले सुरुवाती अग्रता लियो । 

४० औं मिनेटमा चलानी कुमारी एकनाएकेले गोल गर्दै पहिलो हाफमा १-० को अग्रता दिलाइन् । उनले कप्तान इरान्डी के. लियानागेको फ्रि-किक प्रहारलाई माल्दिभ्सकी गोलरक्षक अमिनाथ लिजाले क्लियर गर्न खोज्दा रिबाउन्ड भएको बलमा गोल गरेकी हुन् । 

श्रीलंकाले दोस्रो हाफमा थप एक गोल गर्यो । ५० औं मिनेटमा एकनाएकेले व्यक्तिगत दोस्रो गोल गर्दै टोलीको अग्रता दोब्बर पारिन् । उनले अचला संजिवनी परेराको पासमा उत्कृष्ट प्रहार गर्दै अग्रता दोब्बर पारिन् । 

त्यसअघि माल्दिभ्सकी कप्तान फदुवा जहिरले करिब ३० यार्डबाट गरेको प्रहार श्रीलंकाकी गोलरक्षक अयोमी एस विजेरत्नाले सहजै बलाई नियन्त्रणमा लिइन् । २० औं मिनेटमा कप्तान इरान्डीले गरेको बल गोलमा परिणत भएपनि उनले गोलरक्षकलाई फाउल गरेको भन्दै रेफ्रिले नो गोल दिएका थिए । 

त्यसको तीन मिनेट नबित्दै पुनः कप्तान इरान्डीले वान भर्सेज वनमा गरेको प्रहार करसरबारको केही माथिबाट बाहिरिएको थियो । २७ औं मिनेटमा मल्दिभ्सकी मारियाम रिफाले मिडफिल्डबाट एक्लै अगाडी बढाएको बललाई फिनिसिङ गर्ने क्रममा बाहिरियो । 

आब आइतबार समूह बी को विजेता र उपविजेतका लागि श्रीलंकाले भारतको सामना गर्ने छ । त्यस्तै समूह ए को विजेता र उपविजेताका लागि आयोजक टोली नेपालले शनिबार बंगलादेशसँग सामना गर्दै छ । खेल शहिद रंगशालामा दिउँसो ३ बजे सुरु हुने छ ।