तनावकाबीच भारत र पाकिस्तान बैठक सुरु

भारत -  भारत र पाकिस्तानका प्रतिनिधिहरुको एउटा बैठक भारतको पञ्जावमा पर्ने अत्तारीमा बिहीबार सुरु भएको छ। करतारपुर करिडोरको खाकालाई अन्तिम रुप दिन भन्दै दुई देशका प्रतिनिधिहरुको पहिलो बैठक सुरु भएको हो। वार्ता सुरु भएको ठाउँ दुबै देशको सिमानामा पर्दछ। 

स्थानीय एक सरकारी अधिकारीका अनुसार करतारपुर करिडोरसम्वन्धी अन्तिम खाका बनाउन दुवै देशका प्रतिनिधिहरुको बैठक अत्तारीमा सुरु भएको हो।  दुवै पक्षका प्रतिनिधिहरु वार्ताका लागि बुधबार बेलुका नै स्थानीय अमृतसर भन्ने ठाउँमा पुगेका थिए।

'करतारपुर करिडोर बनाउने सपना पुरा गर्ने हाम्रो प्रतिबद्धता छ, बैठकमा त्यही अनुसार छलफल हुनेछ', विदेश मामिला मन्त्रालयका प्रवक्ता राविश कुमारले भने। शिख धर्म मान्नेहरुका गुरु नानक देवको ५५० औं जन्मजयन्तीका अवसरमा करतारपुर करिडोरको काम सुरु गर्ने उद्धेश्यले बैठक सुरु भएको अधिकारीहरुले बताएका छन्।