रोनाल्डोले ह्याट्रिक गरेपछि युभेन्ट्स क्वाटरफाइनलमा

एजेन्सी- पोर्चुगिज सुपरस्टार खेलाडी क्रिस्टियानो रोनाल्डोले ह्याट्रिक गरेपछि ईटालियन सिरी ए क्लब युभेन्ट्स च्याम्पियन्स लिग फुटबलको क्वार्टरफाईनलमा प्रवेश गरेको छ ।

मंगलबार राति भएको प्रि क्वाटरफाइनलको दोस्रो लेगमा स्पेनिस क्लब एट्लेटिको मड्रिडमाथि ३-० ले पराजित गर्दै युभेन्ट्स क्वाटरफाइनलमा प्रवेश गरेको हो । पहिलो लेगमा २-० ले पराजित भएको युभेन्ट्स दोस्रो लेगमा ३-० ले विजयी भएपछि समग्रहमा ३-२ गोलको जितसहित क्वाटरफाइनलमा प्रवेश गर्यो । 

पहिलो हाफमा १-० को अग्रता लिएको युभेन्ट्सका लागि दोस्रो हाफमा थप दुई गोल गर्दै रोनाल्डो च्याम्पियनस लिगमा आफ्नो ८ औं ह्याट्रिक पुरा गरे । उनले खेलको २७ औ मिनेटमा गोल गर्दै सुरुवाती अग्रता दिलाए । 

४९ औ मिनेटमा व्यक्तीगत दोस्रो गोल गर्दै टोलीको अग्रता दोब्बर पारे । खेल सकिन ४ मिनेट बाँकी रहदाँ पेनाल्टीमा गोल गर्दै रोनाल्डोले युभेन्ट्सलाई महत्वपूर्ण जित दिलाए ।