नेपाल र म्यानमारबिचको पहिलो हाफ बराबरीमा 

काठमाडौं- नेपाली महिला राष्ट्रिय फुटबल टोलीले भारतमा जारी हिरो महिला फुटबलको उपाधि भिड्न्तको पहिलो हाफमा म्यानमारसँग बराबरी खेलेको छ । नोपलले पहिलो हाफको अन्तिम मिनेटमा गोल गर्दै पहिलो हाफमा १-१ को बराबरी खेलेको हो । 

पहिलो हाफमा ३५ औं मिनेटमा पछि परेको अवस्थालाई उल्टाउँदै नेपाल गाले गर्न सफल भएको हो । ३५ औं मिनेटमा म्यानमारले सुरुवाती अग्रता लिएका थियो । तर, पहिलो हाफको अन्तिम मिनेटमा नेपालकी मन्जली योञ्जनले  गोल गर्दै टोलीलाई खेलमा फर्काएकी हुन् ।

म्यानमारका लागि यी यी ओले गोल गरेकी हुन् । उनले पेनाल्टी क्षेत्रको दायाँ भागबाट आएको क्रसलाई अनमार्क रहेको अवस्थामा नियन्त्रण गरेर शक्तिशाली प्रहारमा गोल गरेकी हुन् ।

​​​​​​​नेपालका लागि मन्जलीले गीता रानाको फ्रिकिकमा मन्जलीले पेनाल्टी क्षेत्रको बायाँ भागबाट गरेको भली प्रहार गोलमा परिणत भएको थियो । नेपालले यसअघि म्यानमारसँगको पहिलो भेटमा ३-० ले पराजित भएको थियो ।