नेपाललाई म्यानमारसँग बदला लिँदै पहिलो उपाधि जित्ने मौका

काठमाडौं- नेपाली महिला राष्ट्रिय फुटबल टोलीले भारतमा जारी हिरो महिला फुटबलको उपाधिका लागि आज (शुक्रबार) प्रतियोगिताको बलियो टोली म्यानमारको समना गर्दै छ । खेल नेपाली समय अनुसार साँझ ६:१५ बजे सुरु हुने छ । 

फाइनल खेलमा आज नेपालले म्यानमारसँग पहिलो खेलमा व्यहोरेको हारको बदला लिने दाँउका हुनेछ । यता म्यानमार भने पहिलो खेलमा नेपाललाई ३-० ले पराजित गरेको उच्चमनोवलका साथ मैदानमा उत्रिने छ । 

म्यानमार प्रतियोगिताका तीने वटै खेले जितेको टोली हो भने नेपालले दुई खेल जित्दै फाइनल पुगेको थियो । पछिल्ला दुई खेलमा लगातार जित हात पार्दै फाइनल पुगेको नेपाल उच्च मानोवलका साथ म्यानमारको सामना गर्ने छ । 

नेपालसँग भारत जस्तो टोलीलाई २-१ ले पराजति गर्दै इतिहार रचेको उच्चमनोवल छ । नेपाली महिला टिमकी गोल मसिन सावित्रा भण्डारी जारी प्रतियोगितामा सर्वाधिक गोकर्ताको रुपमा रहेकी छिन् । उनको प्रदर्शनले पनि नेपाली टिमलाई थप फाइदा पुग्ने बुझ्न सकिन्छ ।

नेपालमा हुन लागेको पाँचौ साफ च्याम्पियनसिप फुटबलको तयारीमा रहेको नेपालले साफ अघि विदेशी प्रतियोगिता खेलेको हो । भारत पनि साफ च्याम्पियनसिप र ओलम्पिकको तयारीमा रहेकाले नेपाल सहित म्यानमार र इरानलाई बोलाएर हिरो महिला लिगको आयोजना गरेको हो । 

फिफा वरियतामा ४४ औैं स्थानमा म्यानमार रहँदा इरान ६० तथा भारत ६२ औं स्थानमा थिए ।