कर्णाली शिवराज एनभीएलको फाइनलमा

नेपाल समय | शुक्रबार, भदौ २६, २०८३

नेपाल समय

शुक्रबार, भदौ २६, २०८३

काठमाडौं। कर्णाली शिवराज जारी नेपाल भलिबल लिग (एनभीएल) को फाइनलमा पुगेको छ।

शुक्रबार सम्पन्न प्लेअफ खेलमा काठमाडौं रेड्सलाई ३-१ को सेटमा पराजित गर्दै कर्णाली फाइनलमा पुगेको हो।

कर्णालीले काठमाडौं रेड्सलाई २५-२१, २०-२५, २५-२३ र २५-२२ को सेटमा पराजित गरेको हो। यो हारसँगै काठमाडौं रेड्स प्रतियोगिताबाट बाहिरिएको छ।

अब फाइनल खेल कर्णाली र अन्नपूर्ण स्पाइकर्स किंगबीच शनिबार दिउसो ४ बजे त्रिपुरेश्वरस्थित राष्ट्रिय खेलकुद परिषद (राखेप)को कभर्ड हलमा हुने तालिका छन्।

केडिया समूहद्वारा आयोजित लिगमा ६ टोलीको सहभागिता रहेको थियो। नेपाली पुरुष भलिबलमा पहिलोपटक आयोजना गरिएको फ्रेन्चाइज लिगको विजेताले २० लाख रुपैयाँ पुरस्कार प्राप्त गर्नेछ। यो नेपाली भलिबलमा अहिलेसम्मकै सर्वाधिक नगद पुरस्कार हो।

प्रकाशित: Sep 11, 2026| 20:41 शुक्रबार, भदौ २६, २०८३