चोटले पिरोलेको पिएसजीले युनाइटेडको सामना गर्दै

एजेन्सी- फ्रेन्च लिग वान क्लब पेरिस सेन्ट जर्मन (पिएसजी)ले इंग्लिस प्रिमियर लिग क्लब म्यानचेस्टर युनाइटेडसँग आज (मंगलबार) राति भिड्दै छ । च्याम्पियन्स लिगको प्रि-क्वाटरफाइनलको पहिलो लेगमा बलियो क्लब पिएसजी र यूनाइटेडबीच प्रतिस्पर्धा हुन लागेको हो ।

तर, पिएसजीलाई भने च्याम्यिन्स लिग अन्तर्गत प्रि-क्वाटरफाइनलको पहिलो खेगमा जित निकाल्न निकै सकस हुने अनुमा गरिएको छ । किनभने पिएसजीका तर्फबाट स्टार खेलाडीहरु नेयमार, इडिन्सन काभानी तथा मार्को भेराटी मैदानमा उपस्थित नहुने सम्भावना बढी रहेको छ । 

तीनवटै खेलाडी घाइते भएका कारण युनाइटेडविरुद्धको खेलमा उपस्थित नहुने विश्वस लिएको छ । तर, पछिल्लो समय युनाइटेड लयमा देखिएको छ । काम चलाउ प्रशिक्षक ओले गनर सोल्स्कजारले युनाइटेडको प्रशिक्षण सम्हाले यता म्यानचेस्टर युनाइटेडले कुनै खेल हारेको छैन ।

त्यसैले पनि पिएसजीलाई यो खेल जित्न मुस्लि पर्न सक्ने अनुमान गरिएको छ । झनै बलिया खेलाडीहरु घाइते हुनाले पिएसजीको च्याम्पियन्स लिग उपाधिमा धक्का लाग्न सक्ने देखिन्छ ।