काठमाडौं- पछिल्लो २४ घण्टामा देशका विभिन्न स्थानमा भएका सवारी दुर्घटनामा ४ जनाको मृत्यु भएको छ भने १८५ जना घाइते भएका छन्।
नेपाल प्रहरीले दिएको जानकारी अनुसार दुर्घटनामा मधेश, कोशी, कर्णाली र लुम्बिनी प्रदेशमा एक एकको मृत्यु भएको छ।
त्यस्तै देशभर भएका दुर्घटनामा १८५ जना घाइते भएका छन्। जस अनुसार मधेश प्रदेशमा ६० जना घाइते भएका छन् भने काठमाडौँ उपत्यकामा ३२ जना घाइते भएका छन्। त्यस्तै कोशीमा २४ जना, बागमतीमा ६ जना घाइते भएका छन् भने लुम्बिनीमा ३९ जना, सुदूरपश्चिममा ११ जना, गण्डकीमा ३ जना र कर्णालीमा १० जना घाइते भएका छन्।
प्रकाशित: Aug 11, 2026| 12:53 मंगलबार, साउन २६, २०८३
