एमबाप्पेले दिए ३५ हजार डलर दान 

एजेन्सी- फ्रेन्स लिग वान क्लब पेरिस सेन्ट जर्मन (पिएसजी)का स्ट्राइकर केलियन एमबाप्पेले विमान दुर्घटनामा परेर मृत्यु भएका फुटबलर सालाका पाइलटको खोजिका लागि ३५ हजार डलर चन्दा दिएका छन् । 

विमान दुर्घटनामा परेका सालाका पाइलट डेभिड इबोट्सनको खोजी कार्यका लागि एमबाप्पेले ३५ हजार डलर दान गरेका हुन । दर्घटनामा परेका पाइलट डेभिडको अहिले सम्म कुनै कुरा पत्ता लाग्न सकेको छैन् । 

अर्जेन्टिनी स्ट्राइकर सालाको शब बुधबार समुद्र मुनी मृत अवस्थामा भेटिएको थियो । विमान २१ जनवरीमा फ्रान्सबाट युके जाने क्रममा बेपत्ता भएको थियो । पाइलट डेभिडको खोजिका लागि तीन लाख ९० हजार डलर चन्दा कोषको स्थापना गरेको छ । 

एमबाप्पेले अन्य व्यक्तीलाई पनि उको खोजी कार्यका लागि सहयोग गर्न आग्रह गरेका छन् । एल लोटिन नामबाट बनाएको चन्दा कलेक्सन साइटमा एमबाप्पेको यो सर्वाधिक दान रकम हो । उक्त साइटमा इंग्ल्यान्डका पुर्व स्ट्राइकर फुटबलर ग्यारी लिंकरले १ हजार पाउण्ड दान गरेका छन् ।