युभेन्ट्सको जितमा रोनाल्डोको गोल

एजेन्सी- इटालियन सिरी ‘ए’ फुटबलमा शीर्ष स्थानको युभेन्ट्सले सहज जित निकालेको छ । आइतबार राति भएको खेलमा युभेन्ट्सले सासोउलोलाई ३-० गोल अन्तरले पराजित गर्दै सहज जित सनकालेको हो ।

पहुना टोलीलाई जित दिलाउन सामी खेडिरा, क्रिस्टियानो रोनाल्डो र एम्री क्यानले समान एक एक गोल गरे । पहिलो हाफमा १-० को अग्रता बनाएको युभेन्ट्सले दोस्रो हाफमा थप दुई गोल गरे । 

युभेन्ट्सले पहिलो हाफमा २३ औं मिनेटमा खेडिराको गोल मार्फत सुरुवाती अग्रता लिएको थियो । त्यसपछि दोस्रो हाफमा थप दुई गोल गर्दा एक गोल रोनाल्डोले गरे । उनले खेलको ७० औं मिनेटमा गोल गर्दै युभेन्ट्सको अग्रता दोब्बर पारे । खेलको ८६ औं मिनेटमा क्यानले गोल गर्दै युभेन्ट्सलाई ३-० को जित दिलाए ।

जितसँगै युभेन्ट्सले लिगको शीर्ष स्थानमा ११ अंकको अग्रता बनाएको छ । युभेन्ट्सले २३ खेलबाट ६३ अंक जोडेको छ । दोस्रो स्थानको नापोलीको ५२ अंक छ । पराजित सासोउलो ३० अंक जोडेर ११ औं स्थानमा छ ।