धितोपत्र बोर्डको अध्यक्ष चयन प्रक्रिया: चार जनाको संक्षिप्त सूची सार्वजनिक

काठमाडौं । नेपाल धितोपत्र बोर्डको अध्यक्ष नियुक्तिका लागि संक्षिप्त सूची (शर्टलिस्ट) सार्वजनिक गरिएको छ। 

अर्थ मन्त्रालय मातहतको नेपाल धितोपत्र बोर्डको अध्यक्ष छनौट सिफारिस समितिले धितोपत्र सम्बन्धी ऐन, २०६३ को दफा ७ को उपदफा (३) बमोजिम गठित समिति मार्फत आज एक सूचना जारी गर्दै योग्य उम्मेदवारहरूको संक्षिप्त सूची सार्वजनिक गरेको हो। 

समितिले गत वैशाख १५ गते इच्छुक व्यक्तिहरूबाट व्यक्तिगत विवरण माग गरेकोमा तोकिएको म्यादभित्र आवेदन दिने ४७ जनामध्येबाट उत्कृष्ट ४ जनाको नाम संक्षिप्त सूचीमा समावेश गरेको जनाएको छ।

समितिद्वारा सार्वजनिक गरिएको संक्षिप्त सूचीमा डा. नवराज अधिकारी, विनयदेव आचार्य, मुकुन्द कुमार क्षेत्री र डा. गोपाल प्रसाद भट्ट गरेका छन्। संक्षिप्त सूचीमा समेटिएका यी चारै जना उम्मेदवारहरूलाई सिफारिस समितिले आगामी जेठ ८ गते शुक्रबारका दिन अर्थ मन्त्रालय, सिंहदरबारमा अन्तर्वार्ता तथा छलफलका लागि बोलाएको छ।

यसरी संक्षिप्त सूचीमा परेका उम्मेदवारहरूसँगको छलफल र कार्ययोजना प्रस्तुतीकरण पश्चात् समितिले उपयुक्त नामहरू मन्त्रिपरिषद्मा सिफारिस गर्ने र मन्त्रिपरिषद्ले बोर्डको नयाँ अध्यक्ष चयन गर्ने कानुनी व्यवस्था रहेको छ।