डेम्बेले विना बार्सिलोना असम्भव : सुआरेज

एजेन्सी- केही समय अगाडि कप्तान लियोनल मेस्सी र ओसमाने डेम्बेलेबचीको सम्बन्ध राम्रो नरहेको खबर अन्तर्राष्ट्रिय सञ्चार माध्यमबाट बाहिरियको थियो । मेस्सी डेम्बेलेसँग सन्तुष्ट नरहेको बताईएको थियो । 

त्यसको केही समय पछि लगत्तै फेरी कप्तान मेस्सीले डेम्बेले बार्सिलोनाका लागि निकै नै महत्वपूर्ण खेलाडी भएको बताएका थिए । तर, पछिल्लो समय निकै नै लयमा देखीएका डेम्बेलेलाई बार्सिलोनाको टोलीमा नभई नहुने खेलाडी भएको उनका टिम सहकर्मी लुइस सुआरेजले बताएका छन् । 

अन्तर्राष्ट्रिय स्पोर्टस् मिडियासँग कुरा गर्दै सुआरेजले डेम्बेले बार्सिलोनाको टोलीमा नभई नहुने खेलाडी भएको बताएका हुन् । ‘यो हैनकी उनी प्रहार गर्न सक्दैनन् । तर, कैयौ पटक उनले दिएको पास बलका लागि काउन्टर अट्याकमा पुग्न सक्दौन ।’ 

सुआरेजले भने,‘म त्यो ठाउँन पुग्न सकिरेको छैन जहाँ हाल डेम्बेले छन् । र मेस्सी पनि उनी भन्दा पछाडी छन् । उनी वास्तवमा तिव्र गतिमा छन् र हामी उनलाई पछ्याउन सकिरहेका छैनौ ।’ 

उनले थपे, ‘जव उनी ढौड्न सुरु गर्छन् तब हामी उनको अगाडी रहन आवस्यक छ ।’ २१ बर्षीय स्ट्राइकर डेक्बेलेले जारी सिजनमा बार्सिलोनाका लागि २७ खेल खेल्दै १३ गोल गरि सकेका छन् । उनले ला लिगाका मात्र १९ खेल मा ८ गोल गरेका छन् ।