प्रभु बैंक र मर्केन्टाइल बीच एसर ल्यापटप र एप्सन प्रिन्टर समान खरिदमा विशेष छुटको सम्झौता

काठमाण्डौ- नेपालमा एसर ल्यापटप र एप्सन प्रिन्टर आधिकारिक विक्रेता मर्केन्टाइल अफिस सिस्टम प्रा. लि. र प्रभु बैंक लिमिटेड बीच बैंकका ग्राहक तथा कर्मचारीहरुलाई मर्केन्टाइलले सेवा सुविधामा विशेष छुट प्रदान गर्ने सम्झौता भएको छ।

उक्त सम्झौतामा मर्केन्टाइलको  तर्फबाट कार्यकारी निर्देशक श्री सूरज क्षेत्री र प्रभु बैंकको  तर्फबाट मार्केटिङ्ग म्यानेजर श्री सबिन शमशेर ज.ब.रा राणाले एक कार्यक्रम गरि सम्झौता पत्रमा हस्ताक्षर गरे। सम्झौता अनुसार एसर ल्यापटप र एप्सन प्रिन्टर समान खरिदमा प्रभु बैकंका कर्मचारीलाई १८% सम्म तथा ग्राहकहरुले अधिकतम ८% देखि १५% सम्म एसर ल्यापटप लगायत एप्सन प्रिन्टर हरुमा छुट पाउने भएका छन र के्रडिटकार्ड प्रयोगकर्ताहरु लाई इन्स्टापे बाट किस्ताबन्धी सुविधा पनि पाउने छन। सो छुट सेवासुविधा नेपालमा एसर ल्यापटप र एप्सन प्रिन्टर  आधिकारिक विक्रेता मर्केन्टाइल अफिस सिस्टम प्रा. लि.बाट प्राप्त गर्न  सकिनेछ।

यस बैंकका नेपालभर रहेका ३१२ शाखा कार्यालयहरु, २८५ एटीएम साथै ६८ एक्सटेन्सन काउन्टर मार्फत करिब ३६ लाख भन्दा बढि ग्राहकहरुलाई 'बिश्वास लिन्छौं, विश्वास दिन्छौं' भन्ने मुल नाराका साथमा बैंकिङ एवं वित्तीय सेवा प्रदान गरिरहेको प्रभु बैंकले गुणस्तरीय सेवा प्रवाह गर्दै अघि बढिरहेको छ ।