रोनाल्डो सम्मिलित युभेन्ट्स कोपा इटालीयाबाट बाहिरियो 

एजेन्सी- साविकको विजेता युभेन्ट्स कोपा इटालिया फुटबलको क्वाटरफाइनलबाट बाहिरिएको छ । बुधबार राति भएको खेलमा एट्लान्टासँग ३-० को फराकिलो अन्तरले पराजित हुँदै युभेन्ट्स प्रतियोगिताबाट बाहिरिएको हो ।

चार पटकको विजेता युभेन्ट्सलाई घरेलु मैदानमा पराजित गर्न एट्लान्टाका डुभान जाप्टाले दुई तथा टिमोथी कास्टाग्नेले एक गोल गरे । स्टार खेलाडी क्रिस्टियानो रोनाल्डोसहित मैदान उत्रिएको युभेन्ट्सले एट्लान्टाविरुद्ध कुनै गोल गर्न सकेन् ।  

खेलको पहिलो हाफमा २-० ले पछि परेको युभेन्ट्सले दोस्रो हाफमा थप एक गोल गर्दै सविकको विजेता युभेन्ट्स एट्लान्टासँग ३-० ले पराजित भएको हो । खेलको ३७ औं मिनेटमा कास्टाग्नेको गोलबाट घरेलु टोलीले युभेन्ट्सविरुद्ध सुरुवाती अग्रता लिएको थियो । 

खेलको ३९ औं मिनेटमा जाप्टाले गोल गर्दै पहिलो हाफमा घरेलु टोलीको अग्रता दोब्बर पारे । त्यसपछि खेलको ८६ औं मिनेटमा जाप्टाले व्यक्तिगत दोस्रो गोल गर्दै एट्लान्टालाई ३-० ले जित दिलाए ।