युनाईटेडले बर्नलीसँग बराबरी खेल्यो

एजेन्सी- इंग्लिस प्रिमियर लिग फुटबलमा म्यानचेस्टर युनाइटेड हारबाट जोगिएको छ । दोस्रो हाफमा २-० ले पछि परेका स्थितीलाई उल्टाउँदै युनाईटेड हारबाट जोगिएको हो । 

घरेलु मैदानमा बर्ननीसँग दोस्रो हाफ सुरुवातमा २ गोलले पछि परेको युनाईटेड त्यसपछि उत्कृष्ट प्रदर्शन गर्दै खेल २-२ को बराबरीमा ल्याएको हो । यसअघि अन्तरिम प्रशिक्षक ओलने गनर सोल्सजरको प्रशिक्षणमा युनाईटेडले लगातार ८ खेलमा विजयी भएको थियो । 

र्नलीका लागि एस्ले बार्नेस, क्रिस वुडले गोल गर्दा युनाइटेडका लागि पल पोग्वा र भिक्टर लिन्डलफले गोल गरे । ५१औं मिनेटमा एस्ले बार्नेसको गोलबाट बर्नलीले सुरुवाती अग्रता लिएको थियो । ८१औं मिनेटमा क्रिस वुडले गोल गरेपछि युनाइेड खेलमा २-० ले पछि पर्यो ।

तर, ८७औं मिनेटमा पल पोग्वाले पेनाल्टीमार्फत गोल गर्दै युनाइटेडलाई खेला फर्कने संकेत दिए । इन्ज्युरी समयको थप गरिएको तेस्रो मिनेटमा लिन्डलफले गोल गर्दै युनाइटेडलाई हारबाट जोगाए । बराबरीसँगै युनाइटेड २४ खेलबाट ४५ अंक जोडेर छैटौ स्थानमा झरेको छ । बर्नली २३ अंक जोडेर १५औं स्थानमा छ ।