कतार पहिलो पटक एसियन कप फुटबलको फाइनलमा 

एजेन्सी- संयुक्त अरब इमिरेट्स (युएई)लाई पाजित गर्दै कतार एसियन कप फुटबलको फाइनलमा प्रवेश गरेको छ । दोस्रो सेमिफाइनल खेलमा युएईलाई ४-० को फराकिलो अन्तरले पराजित गर्दै कतार पहिलोपटक एसियन कपको फाइनलमा प्रवेश गरेको हो । 

करतारको जितका लागि बोउलिम खोउकी, अल्मोइज अली, हसान अल हाइडोज र हामिद इस्मेलले समान एक एक गोल गरे । पहिलो हाफमा २-० को अग्रता लिएको कतारले खेलको २२औं मिनेटमा बोउलिम खोउकीको गोलबाट अग्रता लिएको थियो । त्यसपछि ३७औं मिनेटमा अल्मोइज अलीले गोल गर्दै पहिलो हाफमा २-० को अग्रता निएको थियो ।  

दोस्रो हाफमा थप दुई गोल गरेको कतारले ८१औं मिनेटमा हसन अल आइडोजको गोलबाट अग्रतथा तेब्बर पार्यो । खेलको इन्जुरी समयमा गरिएको वैकल्पिक खेलाडीको रुपमा मैदान प्रवेश गरेका हामिद इस्मेलले गोल गर्दै कतारलाई ४-० को फराकिलो जित दिलाए । 

सन् २०२२ को विश्वकप आयोजना गर्ने अधिकार पाएको कतारले पछिल्लो केही वर्षयता राम्रो फुटबल खेलिरहेको छ । अब कतारले उपाधिका लागि चार पटकको च्याम्पियन जापानको सामाना गर्नेछ । जापानले इरानलाई ३-० ले पराजित गर्दै फाइनलमा स्थान बनाइसकेको थियो । फाइनल खेल फ्रेब्रुअरी १ मा हुनेछ ।