अफ्रिकी क्रिकेटर जोन्टि डिपिएलको गुडविल एम्बासडरमा नियुक्त 

काठमाडौं- विश्व प्रसिद्ध दक्षिण अफ्रिकी क्रिकेटर जोन्टि रोड्स तेस्रो संस्करणको रुस्लान धनगढी प्रिमियर लिग (डिपिएल)को गुडविल एम्बासडरमा नियुक्त भएका छन । 

प्रतियोगिताको गुडविल एम्बासडरको रुपमा जोन्टिको आगमनले अन्तर्राष्ट्रिय क्रिकेट परिषद (आईसीसी) र बिश्व क्रिकेट जगतको ध्यान प्रतियोगितामा तानिने विश्वास आयोजकको छ । उनको उपस्थितिले खेलाडी र खेल प्रेमीहरुलाई समेत उत्साह र प्रेरणा दिनेछ ।

जोन्टी लिग आयोजना अवधिभर धनगढीमानै रहने र सीवाईसी अत्तरिया टिमको मेन्टरको रुपमा समेत रहने जनाईएको छ । यसै अवसरक उनी विभिन्न अन्य कार्यक्रमहरुमा समेत आवद्ध हुनेछन् । 

दक्षिण अफ्रीकाको लागि ५२ टेस्ट तथा २४५ एकदिवसीय खेलेका ४९ वर्षीय रोड्स आफ्नो फिल्डिङको कारण विश्व प्रसिद्ध छन् । जान्टि इन्डियन प्रिमियर लिग आईपीएल टिम मुम्बई इन्डियन्सको २०१७ सम्म लगातार ९ सिजन फिल्डिंग कोच रहेका थिए भने श्रीलंका, दक्षिण अफ्रीका, केन्या जस्ता टिमहरुको प्रशिक्षण गरिसकेका छन् । 

यस्तै सीवाईसी अत्तरियाले रायन मरुनलाई टिमको प्रशिक्षकको रुपमा समेत नियुक्त गरेको छ । मरुन यसअघि वेस्ट इन्डिज क्रिकेट टिमका पुर्व फिल्डिङ प्रशिक्षक रहेका थिए ।