बिराटनगर किङ्ग्समा २ भारतीय खेलाडी अनुबन्धित 

काठमाडौं- तेस्रो संस्करणको रुस्लान धनगढी प्रिमियर लिगका लागि टिम बिराटनगर किङ्ग्सले आफ्ना २ विदेशी खेलाडीहरु अनुबन्धित गरेको छ । बिराटनगरले प्रथम श्रेणीका २ भारतीय क्रिकेटर अभिनाश यादब र शिभकान्त शुक्लालाई अनुबन्ध गरेको हो ।  

दुवैले खेलाडीले भारतीय क्रिकेट क्लब रेलवेजका लागि भारतको प्रतिष्ठित रन्जी ट्रफी प्रतियोगिता खेलीसकेका छन् । अभिनाश यादब देब्रे हाते स्पिनर बलर हुन् भने शिभकान्त शुक्ला देब्रे हाते ब्याट्सम्यान हुन् । 

३२ वर्षीय अभिनाशले २५ प्रथम श्रेणी क्रिकेटमा ७६ विकेट लिईसकेका छन् । त्यस्तै ३३ वर्षीय शिभकान्तले ८५ प्रथम श्रेणी क्रिकेटमा ४,१९८ रन बनाएका छन् । बिराटनगर किंग्सको रणनीतिक खेलाडीको रुपमा करन केसी रहेका छन् । 

टिमका अन्य खेलाडीमा आरिफ शेख, कुशल भुर्तेल, पृथु बास्कोटा, किशोर महतो, सुशन भारि, हरिशंकर शाह, संसाद शेख, राजेश पुलामी, अर्जुन अधिकारी, अमित गुरुङ्ग, तृत राज दास र सुवाश ऐयर  रहेका छन् ।