बाँसबारी फुटबल क्लबलाई स्पार्क हेल्थ होम हस्पिटलको साथ

काठमाडौं- बाँसबारी फुटबल क्लबलाई स्पार्क हेल्थ होम हस्पिटलले एक बर्षका लागि करिब ८ लाख बराबरको प्रायोजन गरेको छ । ‘बी’ डिभिजन क्लब बाँसबारी र स्पार्क हेल्थ होम हस्पिटलले मंगलबार सम्झौता पत्रमा हस्ताक्षर गरे । 

क्लबका अध्यक्ष प्रेम थापा र अस्पतालका निर्देशक रुपेश अधिकारीले सम्झौता पत्रमा हस्ताक्षर गरेका हुन् । क्लबका अध्यक्ष प्रेम थापाले स्पार्कको प्रायोजनले ‘बी’ डिभिजन लिग खेल्न क्लबलाई धेरै राहत दिएको बताए । 

रेलिगेशन बिनाको लिग भएपनि क्लबले उत्कृष्ट प्रर्दशन गर्ने उनले बताए । ‘रेलिगेशन बिनाको लिग भएकाले चढ्ने र झर्ने डर छैन । तर क्लबले आफ्नो विरासत अनुसारको प्रर्दशन गर्नेछ’ अध्यक्ष थापाले भने ।

सम्झौतासंगै क्लबले स्पार्क हस्पिटल बाँसबारी क्लबको नामबाट फुटबल खेल्ने छ । यस्तै बाँसबारीको जर्सीमा हस्पिटलको लोगो प्रयोग हुनेछ । ‘बी’ डिभिजन लिग माघ २५ गतेबाट सुरू हुदैछ ।