इरानलाई पराजित गर्दै जापान एसियन कपको फाइनलमा

एजेन्सी- जापान एसियन कप फुटबल प्रतियोगिताको फाइनलमा प्रवेश गरेको छ । यूएईमा जारी प्रतियोगिता अन्तर्गतको पहिलो सेमिफाइनलमा इरानलाई ३-० गोल अन्तरले पराजित गर्दै जापान फाइनल प्रवेश गरेको हो । 

पहिलो हाफ गोलरहित बराबरी खेलेको दोस्रो हाफमा तीन वटै गोल सम्भव भएका थिए । जापानको जितका लागि याया ओशाकाले दुई तथा जेन्की हेरगुचले एक गोल गरे । 

खेलको ५६ औं मिनेटमा योया ओशाकाले गोल गर्दै जापानलाई सुरुवाती अग्रता दिलाए । त्यसपछि खेलको ६७ औं मिनेटमा इरानका खेलाडीले डी बक्सभित्र फल गरेपछि जापानले पेनाल्टी पाएको थियो । 

उक्त पेनाल्टी ओशाकालेनै गोलमा परिणत गर्दै अग्रता दोब्बर पारे । खेलको इन्जुरी समयमा जेन्की हरगुचले गोल गर्दै जापानलाई इरानमाथि ३-० को जित दिलाए । जापानले अब उपाधिका लागि कतार र यूएईको विजेतासँग प्रतिस्पर्धा गर्ने छ ।