नेयमारले च्याम्पियन्स लिगका दुई खेल गुमाउने

एजेन्सी- पेरिस सेन्ट जर्मेन (पीएसजी)का स्टार खेलाडी नेयमारले च्याम्पियन्स लिगका दुई खेल गुमाउने भएका छन् । क्लबका अनुसार उनले च्याम्पियनस लिगमा म्यानचेस्टर युनाइटेडविरुद्धका दुवै लेग गुमाउने भएका हुन् । 

गत मंगलबार स्टार्सवर्गसँग भएको फ्रेन्च कप अन्तरगतको खेल दौरान नेयमार घाइले भएका थिए । उनले खेल दौरान दायाँ खुट्टामा चोट बोक्दै मैदान बाहिरिएका थिए । 

क्लबले च्याम्पियन्स लेगको पहिलो लेग मात्रै गुमाउने आशंका गरिएपनि एमआरआईको रिपोर्टपछि उनले दुवै लेग गुमाउने भएका हुन् । उनी मार्च अन्तिम सातापछि मात्रै मैदान फर्किनेछ । 

नेयमार गतवर्ष पनि यही चोटका कारण तीन महिना मैदान बाहिर रहेका थिए । पीएसजी र युनाइटेडबीचको पहिलो लेग फेब्रुअरी १२ मा तथा दोस्रो लेग ६ मार्चमा हुदै छ ।