नेपाल पहिलो पटक आईसीसी एकदिवसीय वरियताको १५ औं स्थानमा 

काठमाडौं- युएईसँगको एकदिवसीय सिररिज जितेसँगै नेपाल पहिलो पटक अन्तर्राष्ट्रिय क्रिकेट परिषद (आईसीसी) को एकदिवसीय वरियतामा समावेश भएको छ । सोमबार युएईलाई तीन खेलको सिररिजमा २-१ ले पराजित गर्दै नेपाल आईसीसीको एकदिवसीय वरियतामा पहिलो पटक समावेश भएको हो । 

युएईविरुद्धको सिरिज जितपछि नेपाल वरियताको १५ औं स्थान गरेको छ । आईसीसीबाट एकदिवसीय अन्तर्राष्ट्रिय मान्यता पाएपछि ६ खेल खेलेको नेपालको १५२ अंक रहेको छ ।  युएई भने २६३ अंकसहित १४ औं स्थानमा छ ।

सिरिजको पहिलो खेलमा ३ विकेटले पराजित भएको नेपाल दोस्रो खेलमा युएईलाई १ सय ४५ रनको फराकिलो अन्तरले पराजित गरेको थियो । तयस्तै तेस्रो तथा निर्णायक खेलमा कपन पारस खड्काको शतकीय पारीमा ४ विकेटले पराजित गर्दै सिरिज जितेको थियो । 

वरियताको शीर्ष स्थानमा इंग्ल्यान्ड, दोस्रोमा भारत र तेस्रो स्थानमा न्युजिल्याण्ड रहेका छन् ।