दक्षिण कोरिया नेपालसँग फुटबल खेल्न आतुर

काठमाडौं- दक्षिण कोरियाली फुटबल संघका अध्यक्ष चुङ मोङ ग्युले नेपाली महिला टोली र कोरियाली महिला टोलीसँगै खेलेको हेर्न आतुर रहेको बताएका छन् । 

भारतको उडिसा भुवनेश्वरमा आयोजना हुने अन्तर्राष्ट्रिय फुटबल प्रतियोगिता खेल्ने राष्ट्रिय महिला फुटबल टोलीको विदाई कार्यक्रममा प्रमुख अथिति बनेका दक्षिण कोरियाली फुटबल संघका अध्यक्ष चुङ मोङ ग्युले यस्तो भनेका हुन् । 

प्रमुख अतिथि चुङ मोङ ग्युले भने, ‘म ओलम्पिकमा नेपाली महिला टोली र कोरियाली महिला टोलीले सँगै खेलेको हेर्न चाहन्छु ।’ उनले ओलम्पिक छनोटको समूह चरण पार गर्न सफल नेपाली टिमलाई बधाई समेत दिएका थिए ।

कार्यक्रममा दक्षिण कोरियाली फुटबल संघका अध्यक्ष चुङ मोङ ग्युले नेपाललाई करिब ९ सय थान खेल सामाग्री हस्तान्तरण गरेका थिए । भारतको भुवनेश्वरमा माघ २३ देखि फागुन ५ गतेसम्म चल्ने प्रतियोगिताका लागि यसअघि  निरु थापाको कप्तानीमा नेपाली छोलीको छनोट गरिएको थियो । 

नेपाली टोली बुधबार झापा जाने कार्यक्रम रहेको छ । झापामा अभ्यास गरेर सोही स्थानबाट नेपाली टिम भारत प्रस्थान गर्नेछ । भारतले आयोजना गर्ने तय भएको प्रतियोगितामा नेपाल सहित आयोजक भारत म्यानमार र श्रीलङ्का समावेश छन् । 

नेपाली महिला टोली :

गोलकिपर : एन्जिला तेम्वाप्पो सुब्वा, अन्जना राना मगर, उषा नाथ

डिफेन्डर : हिरा कुमारी भुजेल, गिता राना, पुनम जर्गा मगर, अमृता जैशी, कविता धिमाल, सुनिता चौधरी, पुजा राना, मन माया लिम्वु

मिडफिल्डर : विमला चौधरी, अनिता बस्नेत, दिपा राई, मन्जली योञ्जन, सर्मिला थापा, सुरु लिम्बु, रेनुका नगरकोटी

स्ट्राइकर : अनु लामा, रेखा पौडेल, निरु थापा, सावित्रा भण्डारी, अनिता के सी ।