‘तीन करोड नेपालीको स्वास्थ्यमाथि खेलबाड, अनशन रोकिन्‍‍न’

काठमाडौं- चिकित्सा शिक्षा विधेयक संसदबाट पारित भएसँगै डा गोविन्द केसीले तीन करोड नेपालीको जीवनमाथि खेलबाड भएको प्रतिक्रिया दिएका छन्। 

अनसनस्थलबाट संक्षिप्त प्रतिक्रिया दिँदै डा केसीले तीन करोड नेपालीमाथि सरकारले गरेको धोका सह्य नहुने बताएका हुन्। 

उनले संसदले विधेयक पारित गरेपनि आफ्नो अडान कायमै रहने र अनसन पनि जारी रहने प्रतिक्रिया दिएका छन्। डा केसीले चिकित्सा शिक्षा सुधारका लागि मेरो अनसन निरन्तर रहने प्रतिक्रिया दिएका हुन्।

डा केसीको १६ औं अनशनको १७ औं दिन हो। दिनानुदिन उनको स्वास्थ्य निकै कमजोर बनेको छ। यसअघि डा केसीको माग बमोजिम चिकित्सा शिक्षा विधेयक पारित गर्ने भन्दै डा केसीसँग नेकपा नेता सुवास नेम्वाङले हस्ताक्षर गरेका थिए। 

तर, सहमति विपरित आज चिकित्सा शिक्षा विधेयक बहुमत सदस्यको समर्थनमा पारित गरिएको छ।