नेपाली ब्याटिङ नचल्दा युएईलाई ११४ रनको सामान्य लक्ष्य

काठमाडौं- युएईसँगको एकदिवसीय अन्तर्राष्ट्रिय सिरिज अन्तरगतको पहिलो खेलमा नेपालले युएईलाई १ सय १४ रनको सामान्य लक्ष्य सुम्पेको छ । टस हारेर पहिले ब्याटिङ गर्ने निम्तो पाएको नेपालले ३३‍.५ ओभरमा सबै विकेट गुमाउँदै मात्र  १ सय १३ रन बनाउन सक्यो । 

नेपालले पहिलो ओरभमा नै शुन्य रन हुँदा उपकप्तान ज्ञानेन्द्र मल्लाई गुमायो । ओपनर ज्ञानेन्द्र मल्ल खाता नै नखोली आउट भए । चार बल खेलका ज्ञानेन्द्र मोहम्मद नाभिदको बलमा विकेटकिपर गुलाम साब्बरबाट क्याच आउट हुँदै पेभिलिएन फर्किए । 

त्यसपछि दोस्रो विकेटको रुपमा विनोद भण्डारीलाई गुमायो । उनको यो डेब्यु एकदिवसीय अन्तर्राष्ट्रिय खेल हो । यसअघि नेदरल्याण्डविरूद्धको खेलमा विनोद टिममा थिएनन् । विनोद पनि नाभिदकै बलमा नेपालको १६ रन पुग्दा ६.१ ओभरमा आउट भए । 

उनी पनि विकेटकिपर गुलामबाट क्याच आउट हुँदै मैदान छोड्न बाध्य भए । त्यस पछि मैदान आएमा सोमपाल कामी र कप्तान पारस खड्काले नेपालको पारी केही उकास्ने प्रयार गरे पनि युएईका बलर सामु टिक्न सकेनन् । 

खड्का ३६ बलमा तीन चौकाको मद्दतमा २० रन जोड्दै आउट भए । त्यसपछि केही आसा पलाएका युवा खेलाडी दिपेन्द्र सिंह ऐरी पनि मैदानमा टिक्न सकेनन् । उनी मात्र दुई बल खेल्दै रन आउट हुँदै पेभिलिएन फर्किए । 

नेपाली स्केरलाई केहि माथि पुर्याएका सोमला पनि २०.५ ओभरमा इमरान हैडेरको बलमा एलबिडब्लु आउट भए । उनी नोपलको ७१ रन पुग्दा ३० रन जोडेर मैदान बाहिरिए । उनले ४७ बल खेल्दै तीन चौकाको मद्दतमा ३० रन जोडेका थिए । त्यस पछि झनै मध्यक्रमका ब्याट्सम्यान एक पछि अर्को गर्दै पेभिलिएन फर्किए । 

पहिलो पटक राष्ट्रिय टोलीमा डेब्यु गरेका पवन सर्राफ पनि क्रिजमा टिक्न सकेनन् । उनी मात्र ४ रन जोड्दै आउट भए । तर, त्यस अघि मैदान प्रवेश गरेका आरिफ सेखले २५ रन जोड्दै नोपालको आकडा केहि माथि उकासे । उनले ४३ बल खेल्दै तीन चौकाको मद्दतमा २५ रन जोडे । युवा स्पिनर कलर सन्दीप लामिछानेले १५ रन जोडे । 

नेपाललाई सस्तैमा समेट्न युएईका लागि मोहमद नाभिद र आमिर हायातले समान तीन तीन विकेट लिए । त्यस्तै इमरान हैडेरले दुई तथा कादिर अहमदले एक विकेट लिए ।