इसेवाले सुरु गर्यो 'इसेवा विजनेस लिन्क' ,अब एपबाट व्यक्तिगत र व्यावसायिक खाता सजिलै व्यवस्थापन गर्नसकिने 

काठमाडौं- नेपालको पहिलो तथा अग्रणी डिजिटल भुक्तानी सेवा प्रदायक इसेवा लिमिटेडले व्यवसायी, व्यापारी र उद्यमशील व्यक्तिहरूको वित्तीय कारोबारलाई अझ सरल बनाउने उद्देश्यले eSewa Business Link  सुविधा सार्वजनिक गरेको छ। यस Swift Account Switch Feature  सहितको सुविधा मार्फत अब प्रयोगकर्ताले सहजै आफ्नो व्यावसायिक र व्यक्तिगत दुवै खाताहरु एउटै इसेवा एपबाट व्यवस्थापन गर्न सक्नेछन्।

सबै व्यवसायी, व्यापारी र उद्यमशील व्यक्तिहरूको आर्थिक कारोबारलाई अझ सरल बनाउने उद्देश्यले ल्याइएको यो नयाँ सुविधा डिजिटल भुक्तानीको क्षेत्रमा एक महत्त्वपूर्ण कदम मानिएको छ। आधुनिक समयमा धेरै वित्तीय खाताहरू व्यवस्थापन गर्नुपर्ने चुनौतीलाई सम्बोधन गर्दै, eSewa Business Link  ले एउटै एपबाट सबै वित्तीय कारोबारको सहज व्यवस्थापन सुनिश्चित गरेको छ। यसले विभिन्न खाताहरूमा बारम्बार लगइन गर्ने वा एपहरू परिवर्तन गरिरहने झन्झटबाट मुक्ति दिनेछ।

eSewa Business Link ले व्यक्तिगत र व्यावसायिक दुवै खाताहरूलाई एउटै एपबाट व्यवस्थापन गर्न सहज बनाउँछ। यसले तत्काल खाता स्विच, सहज नगद व्यवस्थापन र तत्काल बिना कुनै शुल्क withdrawal को सुविधा दिँदै दैनिक कारोबारको हिसाबकिताब राख्न मद्दत गर्छ। साथै, यसले उत्कृष्ट डिजिटल भुक्तानी अनुभव प्रदान गर्दै  Business QR भुक्तानीहरूलाई सरल वनाउने विस्वास कम्पनिले लिएको छ।