पीएसजी विजयी खेलमा नेयमार घाइते

एजेन्सी- पेरिस सेन्ट जर्मेन (पीएसजी) ले फ्रेन्च कपमा स्टार्सवर्गलाई पराजित गर्दै प्रि-क्वाटरफाइनलमा प्रवेश गरेको छ । बुधबार राति भएको खेलमा पीएसजीले स्टार्सवर्गलाई २-० ले पराजित गर्दै प्रि-क्वाटरफाइनलमा प्रवेश गरेको हो । 

तर, उक्त खेलमा स्टार खेलाडी नेयमारभने घाइते भएका छन् । नेयमार खेल दौरान घाइते हुँदै खेलको ६२औं मिनेटमा मैदान बाहिरिएका थिए । उनी मोआटाज जेमजेमीको ट्याकलका कारण घाइते भएका थिए । 

घरेलु मैदानमा भएको खेलमा पीएसजीका लागि एडिन्सन काभनी र एन्जल डि मारियाले एक एक गोल गरे । पहिलो हाफको चौंथो मिनेटमा नै सुरुवाती अग्रता लिएको पीएसजीले दोस्रो गोल गर्न लामो समय कुर्नु पर्यो । 

घरेलु टोलीले काभनीको गोल मार्फत सुरुवती अग्रता लिएको थियो । ८०औं मिनेटमा एन्जल डि मारियाले गोल गर्दै टोलीलाई २-० को जित दिलाए । उनले जुलयिन ड्राक्सलरको पासमा गोल गरेका हुन ।