यस्तो छ आजको राशिफल [२०८१ साउन १४ गते]

मेष : आज समय शुभ छ। पराक्रम र प्रसिद्धि बढाउने समय छ, त्यसैले सानातिना कुरामा अल्मलिएर समय खेर फाल्नु हुँदैन।मित्रवर्गबाट उत्कृष्ट सहयोगको आशा गर्न सकिन्छ दीर्घकालिक फाइदाका लागि गरिएको प्रयासमा सफलता मिल्नेछ।

बृष : आज समय शुभ छ। आर्थिक लगानी बढाउन अनुकूल छ। कारोबारमा सुधार आउने योग छ। प्रशंसकहरू बढ्नेछन् राम्रै फाइदाको योग छ। विगतको श्रमबाट प्रशस्त धन लाभ हुनेछ। रोकिएका काम सम्पादन हुनेछन्।

मिथुन :समय  शुभ छ। दैनिक कामकाज सजिलै सम्पन्न हुनेछन। आफन्त र मित्रहरूसँग भेटघाट र रमाइलो गरिने छ। घरपरिवारमा राम्रो छ। बन्दव्यापार र रोजगारीका क्षेत्रमा लाभ मिल्नेछ। प्रतिष्ठित काम गर्ने मौका छ।

कर्कट: तपाईंको राशिमा चन्द्रमाले साँझपखबाट प्रवेश गर्ने भएकाले  उत्साह र उमङ्ग बढ्नेछ। तर आज दिउसोको समयमा भने  धनको कारोबारमा सतर्क रहनु बेस हुनेछ। व्यापार व्यवसायबाट फाइदा मिल्ने छैन। परिवारका कुनै सदस्यको अस्वस्थताका कारण चिन्ता बढ्ने छ।

सिंह : समय शुभ छ। पराक्रम र प्रसिद्धिमा वृद्धि हुने समय छ। मिहिनेत गर्नुपर्छ, जे गरे पनि सफलता आर्जन हुने दिन छ। नोकरी गर्नेले मानसम्मान पाउने छन। प्रशासनिक र राज्यपक्षबाट हुनुपर्ने काममा सफलता प्राप्त हुनेछ।

कन्या : समय  शुभ छ। काममा सोचेजस्तै सफलता मिल्नुका साथै उन्नति गर्ने अवसर प्राप्त हुने योग छ। नवीन रोजगारीको सम्भावना छ। प्रतिस्पर्धीहरूमाथि विजय प्राप्त हुने छ। धैर्यधारण गरी परिश्रम गर्ने दिन हो। मातापिता र अभिभावकवर्गको स्वास्थ्यमा सुधार आउने छ। कर्मचारीले हाकिमबाट महत्वपूर्ण कुरा फुत्काउन सक्छन।

तुला : समय  शुभ छ। दान, पुण्यका कार्यमा आकर्षण बढ्ने छ। पर्यटकीय स्थल, तीर्थ वा मन्दिरको भ्रमण हुनसक्छ। ज्ञानगुन र बौद्धिक क्षेत्रमा गरेको प्रयास सफल हुनेछ। व्यापार फस्टाउने छ।। धार्मिक/सामाजिक क्षेत्रमा समय दिन सकिन्छ।

वृश्चिक: कडा परिश्रम व्यर्थै खेर जान सक्छ। सामाजिक र परोपकारका मार्गमा अवरोध हुनेछ। कताकता भाग्यबलमा कमी भएको आभास गर्नु हुनेछ। बन्दव्यापार र रोजगारीको क्षेत्रमा लगनशील र सक्रिय भएमा मात्र सफलता पाउनु हुनेछ।

धनु :आज समय  शुभ छ। घुमघाम, भेटघाट र मनोरञ्जनमा दिन बित्नेछ। मेजमानीको अनुकूलता प्राप्त हुनेछ। दाम्पत्यसम्बन्ध सुखद रहनेछ। प्रेमको बन्धनमा बाँधिने बेला छ। परोपकारका क्षेत्रमा मन आकर्षित हुनेछ। स्वास्थ्यस्थितिमा अनुकूलता आउनेछ। काम गर्न जाँगर चल्नेछ, उत्साहवद्र्धक समय छ, आम्दानी बढ्न सक्छ

मकर: समय  शुभ छ। शारीरिक प्रतिस्पर्धा र तर्क, विवाद वा न्याय सम्पादनका सिलसिलामा लाभ प्राप्त गर्न सक्नुहुनेछ। मानसम्मान र प्रतिष्ठाको प्राप्ति हुनसक्छ। आजको विनियोजन र लगानीले उत्तरोत्तर फाइदा हुनेछ। यात्रा लाभप्रद बन्न सक्छ।
कुम्भ : समय  शुभ छ। ज्ञान र चिन्तन उपयोगी बन्नसक्छ। मानप्रतिष्ठा र सामाजिक मर्यादामा अभिवृद्धि हुनेछ। साथीभाइले उपयोगी र आवश्यक सहयोग प्रदान गर्नेछन। बन्दव्यापारबाट लाभ मिल्नेछ। माया÷प्रेमको वातावरण बन्नेछ।

मीन : समय खराब रहनेछ। घरपरिवारभित्रका विविध समस्यामा रुमल्लिनु पर्ने छ। आन्तरिक सम्पत्तिको लेखाजोखा र बाँडफाडका विषयमा केन्द्रित हुने दिन छ। घरबाहिर बस्नेका लागि वा वैदेशिक क्षेत्रमा सन्तोषजनक देखिन्छ। दार्शनिक वा बौद्धिक क्षेत्रमा दिलचस्पी बढ्ने छ।