शरदले किन राष्ट्रिय टोलीबाट आफ्नो नाम फिर्ता लिए ?

काठमाडौं- युएईसँग हुने तीन एक दिवसीय (ओडीआई) र तीन टी-२० अन्तर्राष्ट्रिय सिरीजका लागि आइतबार १६ सदस्यि नेपाली क्रिकेट टोलीको घोषणा भयो । जसमा चार जना नयाँ अनुहार अवसर पाए । 

तर, त्यो सार्वजनिक टोली सदस्यमा राष्ट्रिय टोलीका नियमीत सदस्य शरद भेषवाकरको नाम थिएन् । उनी नेपाली राष्ट्रिय टिमका मिडिल अडरका भरपर्दा ब्याट्सम्यान हुन् । 

टोलीमा नाम पर्दा पर्दै पनि शरद आफैले नाम टोली सदस्यबाट फिर्ता लिएको नेपाली क्रिकेट टोलीका म्यानेजर रमन शिवाकोटीले जानकारी दिए । शिवाकोटीका अनुसार भेषवाकरलाई ‘भिटामिन डी’ को कमि भएको बताइएको छ । 

‘भिटामीन डी’ को कमीकै कारण युएईसँग हुने ३ एकदिवसीय र ३ टी-२० अन्तर्राष्ट्रिय सिरीजको लागि राष्ट्रिय टोलीबाट नाम फिर्ता लिएको शिवाकोटीले जनाए । शरदलाई ठिक हुन तीन चार हप्ता लाग्न सक्ने बताइएको छ । 

यद्यपी उनका अनुसार डाक्टरको रिपोर्ट आएपछिमात्र सबै कुरा थाहा हुने छ । युएई टुरकको लागि नेपाली टोलीले मंगलबार दुबईतर्फ लाग्ने छ ।