'दुई तिहाईको दम्भले सरकारकाे विवेक नगुमोस'

धनगढी- नेपाली कांग्रेसका प्रवक्ता एवम् केन्द्रीय सदस्य बिश्वप्रकास शर्माले दुई तिहाईको बहुमत छ भन्दैमा विवेक नगुमाउन सरकारलाई आग्रह गरेका छन् । 

दुईतिहाईको सरकारका पालामा देशमा महंगी भ्रष्टाचार र अशान्ति निकै बढेको भन्दै शर्माले जनताको जनजिविका संग सरकार गम्भिर नभएको आरोपसमेत लगाए । नेपाल प्रेस युनियन कैलालीले सोमबार बिहान धनगढीमा आयोजना गरेको पत्रकार सम्मेलनमा शर्माले वर्तमान सरकार दुई तिहाईको दम्भले विवेक गुमाएर काम गरिरहेको बताए । 

जनताका दैनिक आवश्यकताका बस्तुमा मूल्य आकासिदा पनि सरकार उदासिन बनेको उनको आरोप लगाए । देशमा हत्या बलात्कारका घट्ना घट्नुको सट्टा बढिरहेका छन् शर्माले भने केपीको राम राज्यमा निर्मला पन्तले न्याय पाउनेमा विश्वास छैन । 

प्रवक्ता शर्माले डाक्टर गोविन्द केसीको आन्दोलन गरीबका छोराछोरीले पनि डाक्टर पढ्न पाउन भन्नका लागि रहेको भन्दै सरकार आफैले गरेको सम्झौता लत्याएको आरोप लगाए । मिडियाकर्मीमाथि पनि सरकारको अनाआवाश्यक हस्तक्षेत रहेकोमा उनले दुख व्यक्त गरे । 

नेपाली कांग्रेस आफ्नै घरायसी जीवनलाई ब्यबस्थित गर्ने जिम्मेवारीमा रहेकाले सशक्त प्रतिपक्षको भूमिका निर्वाह गर्न नसकेको भन्दै शर्माले पाटीको महासमिति बैठक पछि पार्टी सशक्त बनेको स्पस्ट पारे । 

महासमिति बैठकले पाटीमा नवीन एकताको सन्देश दिएको उनले बताए । शर्मा कंचनपुरस्थित निर्मला पन्त तथा न्यायको आन्दोलनमा ज्यान गुमाउनेका परिवारलाई भेट्न त्यसतर्फ लागेका छन् ।