खुकुरी प्रहार गरी युवकको हत्या           

धनगढी – कैलालीको अत्तरीयामा खुकुरी प्रहारबाट एक युवकको हत्या भएको छ। गोदावरी नगरपालिका १  बनखेत बस्ने अन्दाजी १८–१९ वर्षीय अरुण भट्टको हत्या भएको हो। 

स्थानीयले दिएको जानकारी अनुसार वडा नम्बर २ को नर्शरीमा फालेको अवस्थामा भट्टलाई बोकेर केही युवाहरुले अत्तरियाको पद्मा अस्पताल पुर्याएका थिए। त्यहा उपचार हुन नसकेपछि धनगढी स्थित  सेती अञ्चल अस्पताल पठाइएकोमा बाटैमा उनको ज्यान गएको एम्बुलेन्स चालकले जानकारी दिए। प्रहरीले शव अस्पताल रहेको र के भएको भन्मे बारे अनुसन्धान भैरहेको जानकारी दिएको छ। 

भट्टको छाती, टाउकोलगायत शरीरका विभिन्न भागमा गम्भीर चोट लागेको छ। अत्तरीयास्थित दुर्गालक्ष्मी नमुना माविमा कक्षा १२ मा अध्ययनरत भट्ट र्‍याप गायक पनि रहेको उनलाई चिन्नेहरु बताउछन्। खुकुरी कसले के कारणले प्रहार गर्यो भन्मे बारे खुलेको छैन। अत्तरीया महोत्सव सञ्चालन भैरहेको स्थान नजिकै घट्ना भएको छ।