मोटरसाइकलको ठक्करबाट नाबालिकाको मृत्यु

धनगढी- मोटरसाइकलले ठक्कर दिंदा अछाममा एक नाबालिकाको मृत्यु भएको छ। मृत्यु हुनेमा कमलबजार नगरपालिका-१ की ढाई वर्षीया तुलसी माझी रहेकी छन्।  

उनलाई से ४ प ९१३८ नम्बरको मोटरसाइलले ठक्कर दिएको थियो। मोटरसाइलको ठक्करबाट घाइते भएकी माझीको उपचारका क्रममा मृत्यु भएको जिल्ला प्रहरी कार्यालय अछामले जनाएको छ। 

कमलबजार २ का खडक बिष्टले चलाएको मोटरसाइलको ठक्करबाट घाइते भएकी माझीलाई उपचारका लागि शुक्रबार न्याय हेल्थ वयलपाटामा भर्ना गरिएको थियो।

 उनको राती नौ बजे उपचारका क्रममा अस्पतालमै मृत्यु भएको हो । उनको मृत्युपछि प्रहरीले मोटरसाइकल चालक बिष्टलाई नियन्त्रणमा लिएको छ।