दिलिप नाथको शतकिय पारीसँगै पुलिस एमएम कप क्रिकेटको फाइनलमा

सुनसरी- नेपाली राष्ट्रिय टिमका ओपनर ब्याट्सम्यान समेत रहेका दिलिप नाथको सानदार शतकिय पारीको मद्दतले पुलिस क्लब मनमोहन स्मृति एक दिवसीय राष्ट्रिय क्रिकेट प्रतियोगिताको फाइनलमा प्रवेश गरेको छ । 

बिहिबार भएको सेमिफाइनल खेलमा प्रदेश ७ लाई २ सय रनको फराकिलो अन्तरले पराजित गर्दै पुसिस फाइनलमा पुगेको हो । पुलिसले लिएको ३ सय २४ रनको लक्ष्य पछ्याएको प्रदेश ७ ले ३१.१ ओभरमा सबै उकेट गुमाउँदै मात्र १ सय २३ रन बनाउन सक्यो । 

प्रदेश ७ का लागि बिपिन रावल र लोकश बमले समान २६ तथा नारायण जोशी र नरेन्द्र साउदले समान १६ रन बनाउन बाहेक अन्य कुनै पनि ब्याट्सम्यानले सम्झन योग्य प्रर्दशन गर्न सकेनन् । 

प्रदेश ७ लाई सस्तैमा समेट्न पुलिसका युवा स्पिनर सागर ढकालले ५ विकेट लिए । त्यस्तै नबिन थापा र रामनरेश गिरीले समान दुई दुई विकेट लिए । त्यस अघि टस जितेर पहिले ब्याटिङ गरेको पुलिसले ५० ओभरमा ८ विकेट गुमाउँदै ३ सय २३ रन बनाएको थियो । 

पुलिसलाई नाथले १ सय २५ बलमा ९ चौका र ५ छक्का प्रहार गर्दै १ सय १६ रनमा नट आउट रहे । त्यस्तै मञ्जित श्रेष्ठ ५३, कुशल भुत्तेल २७, योगेन्द्र कार्की २५, प्रेम तामाङ २४ रन जोडेका थिए । प्रदेश ७ का लागि बिकाश आगरीले ३ र विनोद लामा २ एक विकेट लिए । दोस्रो सेमिफाइनल खेलमा शुक्रबार नेपाल आर्मी क्लव र प्रदेश १ बीच खेल हुने छ ।