कोपा डेल रे : आज बार्सिलोनाले अन्तिम आठका लागि निर्णायक खेल खेल्दै

एजेनसी- कोपा डेल रे फुटबलको अन्तिम १६ को दोस्रो लिगमा बासिैलोनाले बिहिबार राति लेभान्टेसँग खेल्दै छ । नेपाली समय अनुसार राति २:३० बजे सुरु हुने खेल बार्सिलोनाले आफ्नो घरलु मैदान क्याम्प नाउमा खेल्ने छ । 

पहिलो खेलमा २-१ गोलले पछि परेको बार्सिलोना आफ्नो घरेलु मैदानमा दबाबमा हुनेछ । बार्सिलोनाले यसअघि लेभान्टेको घरमा २-१ ले पराजित भएको थियो । त्यस्तै बार्सिलोना यस खेलको नतिजाबाट अघिल्लो लेगको नतिजा उल्ट्याउनुपर्ने दबाब छ । 

यो खेलमा बार्सिलोनालाई अन्तिम आठमा जान कम्तीमा १-० को जित चाहिन्छ । बार्सिलोनाले ९० मिनेटमा २-१ ले जिते खेल थप समयमा जानेछ भने त्यहाँ पनि बराबर भए पेनाल्टीमा जानेछ । 

त्यसैले आजको खेलमा बार्सिलोनाको टोलीमा पहिलो रोजाइका खेलाडी मैदान उत्रिने सम्भावना छ । यो खेल निर्णायक भएकाले प्रशिक्षक अर्नेस्टो भाल्भर्डेले यस खेलमा कुनै कमजोरी गर्नेछैनन् ।