पर्वतमा बस पल्टियो, मृतकको संख्या ५ पुग्यो

पर्वत- पर्वतमा बस दुर्घटना हुँदा ज्यान गुमाउनेको संख्या ५ पुगेको  छ । ग १ प ६१०८ नम्बरको बस बिहीबार बिहान कुश्मा नगरपालिका वडा नम्बर १ मालढुंगामा दुर्घटना हुँदा ५ जनाको मृत्यु भएको हो । 

३ जनाको घटनास्थलमै र २ जनाको धौलागिरी अञ्चल अस्पताल बागलुङमा उपचारको क्रममा मृत्यु भएको हवल्दर गोपाल केसीले जानकारी दिएका छन् । बेनीबाट नारायणघाटतर्फ जाँदै बस सडकबाट ४०० मिटर तल खसेको दुर्घटना भएको थियो । 

मृतकको सनाखत हुन सकेको छैन भने एक दर्जन भन्दा धेरै यात्रु घाइते भएका छन् । घाइतेलाई धौलागिरी अञ्चल अस्पताल बागलुङ उपचार भइरहेको प्रहरीले जनाएको छ । बसमा कति सवार थिए र दुर्घटना के कारणले भयो भन्ने खुल्न सकेको छैन् ।