पत्रकारलाई सूचना दिनुको साटो प्रमुख सचिवको दुर्व्यवहार

धनगढी- सुदूरपश्चिम प्रदेशका प्रमुख सचिव नारायण प्रसाद विडारीले सूचना माग गरेको बिषयमा बुझ्न गएका पत्रकार माथि दुव्र्यवहार गरेका छन्। १७ दिन अघि सूचना माग गर्दै कार्यालयमा दिएको निवेदन माथि के कारवाही भयो भनेर बुझ्न गएका दुई जना पत्रकारमाथि विडारीले कार्यकक्षमै दुर्ववहार गरेका छन्।
 
अन्तरवार्ता लिँदै गर्दा दिनेश खवरकर्मी जनक विष्ट र माउन्टेन टेलीभिजनका कैलाली संवाददाता पदमराज भट्टमाथि हातपात र दुव्र्यवहार गरेका हुन्। दिनेश खवरले पौष १५ गते सुचनाको हक अन्तरगत मन्त्रिपरिषद्का बैठकका निर्णय, सवारी साधन खरिदमा भएको खर्च, तलव भक्ता वापतको खर्च, अनुमगन लगायतका शिर्षकमा भएको खर्च विवरण माग गरेको थियो। 

१५ गते नै उक्त निवेदन दर्ता भएको थियो। तर १५ दिन पुगिसक्दा समेत सुचना नपाएको भन्दै प्रमुख सचिव विडारीको प्रतिक्रिया लिने क्रममा विडारीले अन्तरवार्ता लिईरहेकै समयमा आफ्नो क्यामेरा खोसेको बिष्टले बताए। विडारीले विष्टसंगै रहेका अर्का पत्रकार भट्टलाई समेत अंगरक्षकलाई बोलाएर बल प्रयोग गर्दै कार्यकक्षबाट बाहिर पठाएका थिए। 

घट्नाको नेपाल पत्रकार महासंघ तथा नेपाल प्रेस युनियन  कैलाली शाखाले भत्र्सना गरेको छ। महासंघका सचिव मिन ठकुरी र प्रेस युनियनका अध्यक्ष श्रवण देउवाद्वारा जारी विज्ञप्तीमा उक्त घटना प्रेस स्वतन्त्रता र अभिव्यक्ति स्वतन्त्रता हनन्को निरन्तरता भएको उल्लेख छ । विज्ञप्तिमा दुव्र्यवहारमा संग्लन विडारीलाई कारवाहीको माग समेत गरेको छ।