बीपीएल : सन्दीप सिक्सर्सको चौथो खेलको प्लेइङ सेटमा आटाएनन्

काठमाडौं- बंगलादेशमा जारी बंगलादेश प्रिमियर लिग (बीपीएल) क्रिकेटमा सिलेट सिक्सर्सबाट खेलीरहेका नेपाली राष्ट्रिय टोलीका लेग स्पिनर सन्दीप लामिछाने आफ्नो टिमको चौथोको प्लेइङ सेटमा परेका छैनन् । 

कोमीला भिक्टोरियन्सविरुद्ध हुने खेलका लागि सिक्सर्सले सन्दीपलाई टिमले प्लेइङ सेटमा आटाएको छैन् । डेब्यु खेलमा उत्कृष्ट प्रदर्शन गरेका सन्दीपले त्यसपछका दुई खेलमा सोचे अनुसारको प्रदर्शन गर्न सकेनन् । 

उनी त्यसपछिका दुई खेलमा सिक्सर्सका लागि महंगा साबित भए । डेब्युमा सन्दीपले ४ ओभर गर्दै मात्र १६ रन खर्चेर २ विकेट लिएका थिए । त्यसपछिको दोस्रो उनले ४ ओभर गर्दै विना विकेट २१ रन खर्चेका थिए । 

त्यस्तै तेस्रो खेलमा उनले ४ ओभरमा विकेट बिहिन हुँदै ३३ रन खर्चेका थिए । भिक्टोरियन्सविरुद्ध मैदान उत्रदा सन्दीपको टिम सिक्सर्स दोस्रो जितको खोजीमा हुनेछ । यस्तै सिक्सर्स भिक्टोरियन्ससँग पहिलो खेलमा व्यहोरेको हारको बदला लिन चाहन्छ । पहिलो खेलमा सिक्सर्स भिक्टोरियन्ससँग ४ विकेटले पराजित भएको थियो ।