महिला टी-२० स्म्यास : युएईलाई हराउँर्दै नेपाल सेमिफाइनलमा

काठमाडौं- थाइल्याण्डमा जारी थाइल्याण्ड महिला टी-२० स्म्यास क्रिकेटमा नेपाली राष्ट्रिय महिला टोली प्रतियोगिताको सेमिफाइनलमा प्रवेश गरेको छ । सोमबार भएको आफ्नो तेस्रो खेलमा प्रतियोगिताको बलियो दाबेदार मानिएको यूएइलाई पराजित गर्दै नेपाल सेमिफाइनलमा प्रवेश गरेको हो । 

प्रतियोगिताको बलियो दाबेदार मानिएको युएइलाई नेपालले ६ विकेटले परासजत गरेको हो । टस जितेर पहिले ब्याटिङ गरेको युएईले दिएको १ सय ६ रनको लक्ष्य नेपालले १९ ओभरमा मात्र ४ विकेट गुमाउँदै लक्ष्य पूरा गर्यो । 

नेपालका लागि सीता राना मगरले सर्वाधिक ३७ रन जोडिन् । त्यस्तै काजल श्रेष्ठले २८ रन प्रहार गरिन् । यसअघि युएइले निर्धारित २० ओभरमा ६ विकेट गुमाउँदै १ सय ५ रन जोडेको थियो ।

उसका लागि ईशा ओजाले २८, छाया मुगहालले ३१ चमानी सेनेभिराथानेले २३ रन जोडे । नेपालका लागि सिता राना मगर, सोनु खड्का र करूणा भण्डारीले १-१ विकेट लिए ।

प्रतियोगितामा नेपालले आफ्नो पहिलो खेलमा नेपालले चीनलाई १० विकेटले पराजित गर्दा आइतबार भएको दोस्रो खेलमा मलेसियालाई ६ विकेटले पराजित गरेको थियो ।