बार्सिलोनाले इबरलाई हरायसँगै मेस्सीको नयाँ रेकर्ड

एजेन्सी- आइतबार राति भएको स्पेनिस ला लिगा फुटबलमा शीर्ष स्थानको बार्सिलोनाले सहज जित निकालेको छ । घरेलु मैदानमा इबरलाई ३-० गोल अन्तरले पराजित गर्दै बार्सिलोनााले सहज जित निकालेको हो । 

बार्सिलोनाको जितका लागि लुइस स्वारेजले दुई र कप्तान लियोनल मेस्सीले एक गोल गरे । यस गोलसँगै मेस्सीको ला लिगामा ४ सय गोल पुरा गरेका छन् । उनले ४ सय ३५ खेल खेल्दै ४ सय गोल पुरा गरेका हुन् । यससँगै मेस्सी ला लिगामा ४ सय गोल गर्ने एक्लो खेलाडी बनेका छन् ।

खेलको १९ औं मिनेटमा बार्सिलोनाले सुरुवाती अग्रता लिएको थियो । बार्सिलानालाई सुरुवाती अग्रता भने स्वारेजले दिलाएका थिए । पहिलो हाफमा १-० ले अग्रता लिएको बार्सिलोनाले दोस्रो हाफमा थप दुई गोल गर्यो । 

५३ औं मिनेटमा मेस्सीले गोल गर्दै बार्सिलोनाको अग्रता टोलीको अग्रता दोब्बर मात्र हैन्, आफ्नो ४ सयौं गालको आँकडा समेत पुरा गरे । खेलको ५९ औं मिनेटमा स्वारेजले व्यक्तिगत दोस्रो गोल गर्दै बार्सिलोनालाई ३-० को जित दिलाए । 

जितसँगै बार्सिलोनाले लिगमा १९ खेल खेल्दै ४३ अंक जोडेको छ । यो दोस्रो स्थानको एथलेटि मड्रिडको भन्दा पाँच अंकले बढी हो । पराजित इबर २२ अंक जोडेर १६ औं स्थानमा छ । आइतबार राति एथलेटिकोले लेभान्टेलाई १-० गोल अन्तरले पराजित गरेको थियो ।