नागरिक लगानी कोष र सभापोखरी हाइड्रोबीच सेयर प्रत्याभूति सम्झौता

काठमाडौं- नागरिक लगानी कोष र सभापोखरी हाइड्रोपावर लिमिटेडबीच सेयर प्रत्याभूति गर्ने सम्झौता भएको छ। बुधबार सम्पन्न सम्झौतामा कोषका निमित्त कार्यकारी निर्देशक शोभा श्रेष्ठ सुवेदी र सभापोखरी हाइड्रोका प्रबन्ध निर्देशक श्रीराम देवकोटाले हस्ताक्षर गरेका छन्।

सम्झौताअनुसार सभापोखरी हाइड्रोले प्रति सेयर १०० रुपैयाँका दरले १० लाख ७५ हजार कित्ता सेयर जारी गर्नेछ। यसअनुसार कुल १० करोड ७५ लाख रुपैयाँ बराबरको सेयर कोषले प्रत्याभूति गर्नेछ।

यस सम्झौतासँगै सभापोखरी हाइड्रोपावरले सर्वसाधारण तथा संस्थागत लगानीकर्तालाई सेयर जारी गर्ने प्रक्रियामा अगाडि बढ्नेछ। कोषले सेयर प्रत्याभूति गरेसँगै लगानीकर्तालाई सुरक्षाको प्रत्याभूति मिल्ने विश्वास गरिएको छ।

सभापोखरी हाइड्रोपावर लिमिटेड जलविद्युत् क्षेत्रमा सक्रिय कम्पनी हो। उक्त कम्पनीले निर्माण तथा विकास गरिरहेका परियोजनाहरूका लागि पूँजी संकलन गर्न सेयर निष्कासन गर्न लागेको हो।क़