लिग विजेता मनाङ पुलिससँग पराजित हुदै खप्तड गोल्डकपबाट बाहिरियो 

धनगढी- तेस्रो अन्तर्राष्ट्रिय आमन्त्रित सुदुरपश्चिम खप्तड गोल्ड कपमा विभागिय टोलि नेपाल पुलिस क्लबले लिग विजेता मनाङ मस्र्याङ्दी क्लबलाई पराजित गर्दै प्रतियोगिताको सेमिफाइनलमा प्रवेश गरेको छ । 

धनगढी रंगशालामा शनिबार दिउँसो भएको खेलमा विभागिय टोलि पुलिसले मनाङलाई १-० ले पराजित गर्दै सेमिफाइनलमा प्रवेश गरेको हो । पहिलो हाफ गोल रहित बराबरीखेलेको खेलको दोस्रो हाफमा एक गोल भएको थियो । 

खेलको एक मात्र उक्त निर्णायक गोल पुलिसक लागि निर कुमार राईले गरे । उनले तेज तामाङको कर्नरमा रिबाउन्ड भएको बललाई पेनाल्टी क्षेत्रभित्रबाट शक्तिशाली भली प्रहार गर्दै गोल गरे । 

निकै प्रतिस्पर्धात्मक खेलको ११ औं मिनेटमा हेमन गुरुङले झन्डै २५ यार्ड टाढाबाट गरेको प्रहारलाई पुलिसका गोलरक्षक शत्रुघन चौधरीले दोस्रो प्रयासमा नियन्त्रण गरे । खेलको २८ औं मिनेटमा मनाङका ओलावलेले गरेको प्रहार पुलिसका डिफेन्डरबाट फर्केको बलमा कप्तान बिशल राईले गरेको प्रहार करसर बार माथिबाट बाहिरीएको थियो । 

त्यसको लगत्तै पुलिसका तिर्थ रानाले गरेको प्रहार क्रसबारमा लागेर फर्कंदा पुलिस अग्रता लिनबाट बञ्चित भयो । ४० औं मिनेटमा मनाङका सुशील लामाको पासमा ओलावालेको हेडर प्रहार सत्रुघन चौधरीले बचए । 

त्यस्तै खेलको ५१ औं मिनेटमा पुलिसका हेम तामाङको प्रहरले दिशा लिन सकेन । ७२ औं मिनेटमा मनाङका गोलरक्षक बिशाल अगाडी बढेको अवस्थामा पाएको अवसरलाई तिर्थ रानाले सदुपयोग गर्न सकेनन् । 

८०औं मिनेटमा अब्दुकरिमले डि बक्स भोत्र पाएको माका खेर फाले । यस जितसँगै पुलिसले प्रतियोगिताको सेमिफाइनलमा स्थान पक्का गरेको छ । पुलिसले अब सेमिफाइनलमा सीएमजी संकटा र क्यामरुनको धाउफिन्स एफसीको विजेतासँग खेल्नेछ ।