नेपालको दोस्रो जित, मलेसिया ६ विकेटले पराजित 

काठमाडौं- थाईल्यान्डमा जारी महिला टी-२० स्मास क्रिकेट प्रतियोगितामा नेपालले लगातार दोस्रो जित निकालेको छ । आइतबार भएको आफ्नो दोस्रो खेलमा मलेसियालाई ६ विकेटले पराजित गर्दै प्रतियोगितामा लगातार दोस्रो जिग निकालेको हो । 

टस हारेर पहिले ब्याटिङ गरेको मलेसियाले दिएको ६२ रनको समान्य लक्ष्य नेपालले १६.२ ओभरका ४ किकेटको क्षतिमा पुरा गर्यो । नेपालका लागि रोमा थापाले २०, सिता राना मगरले १६, ममता कुमारीले ९ र काजल श्रेष्ठले ६ रन जोडे । 

यसअघि मलेसियाले १९.३ ओभरमा सबै विकेट गुमाउँदै मात्र ६१ रन जोडेको थियो । मलेसियाका लागि सिओ जीन यीले १२, युश्रीना याकोपले ११ रन जोड्दा अन्य ब्याट्सम्यानले दोहोरो अंक छुन सकेनन् । 

मलेसियालाई सस्तैमा समेट्न नेपाली सरिता राना मगरले ४ विकेट लिईन् । त्यस्तै नेरी थापा, इन्दु बर्मा र कविता कुवरले समान एक एक विकेट लिए । प्रतियोगितमा नेपालले आफ्नो पहिलो खेलमा चीनलाई १० विकेटले पराजित गरेको थियो ।